Դիմավորեք մեր տնօրենների խորհրդին
Դոկտոր Ջեյն Լ. Մահաքյան, նախագահ
Դոկտոր Ջեյնը Ալցհայմերի հիվանդության և այլ դիմենցիաների պատճառով ճանաչողական խանգարումներով տառապող մեծահասակների և նրանց ընտանիքների անդամների հետ աշխատանքում մասնագիտացած, որակավորված կլինիցիստ է, գերոնտոլոգ (ծերաբույժ) և հեղինակ, ով պաշտպանել և 30 տարի աշխատել է «հիշողության կորստի ոլորտում»: Նա նախկինում եղել է Կալիֆորնիայի համալսարանի Սան Ֆրանցիսկոյի առողջության և ծերացման ինստիտուտի օժանդակ դասախոս:
Դոկտոր Ջեյնը նաև հանդիսանում է Հայաստանի Ալցհայմերի ասոցիացիայի փոխնախագահ: Նա ցանկանում է ընդլայնել իր փորձը՝ Հայաստանում ճանաչողական խանգարումներ ունեցող մարդկանց օգնելու: Այս նպատակով դոկտոր Ջեյնը 2017թ․ հիմնել է «Ալցհայմերի խնամք Հայաստան» կազմակերպությունը։
Ջոն Դ. Բոյաջյան, փոխնախագահ
Ֆիզիկական դաստիարակ Ջոն Դ. Բոյաջյանը աջակցել է «Ալցհայմերի խնամք Հայաստանի» ստեղծմանը և դրա փոխնախագահն է: Ջոնը ապահովում է, որ ԱԽՀ-ի ծրագրերը, քաղաքականությունը և նպատակները պահպանեն կազմակերպության արժեքները և համապատասխանեն սահմանված նպատակներին: Ջ․ Բոյաջյանը նշանակալի ներդրում է ունեցել եզակի և բարդ ձեռնարկություններում վերջին 40 տարիների ընթացքում: Նա բազմաթիվ պարգևներ է ստացել արդյունաբերական խմբերից, Կալիֆորնիայի նահանգից և դաշնային օրենսդիր մարմիններից: Նրա փորձը ներառում է՝ բիզնեսի մոդելավորում, ֆինանսներ, մարդկային ռեսուրսներ, մարքեթինգ, ապրանքների/ծառայությունների զարգացում, նոր ձեռնարկություններ, գործառնություններ, կազմակերպում և որակ:
Տատյանա Նովակովիչ-Ակոպյան, քարտուղար
Դոկտոր Տատյանա Նովակովիչ-Ակոպյանը վերականգնողական նյարդահոգեբան է Սան Ֆրանցիսկոյի վետերանների վարչակազմի առողջապահական համակարգում (SFVAHCS), որտեղ նաև ղեկավարում է ուղեղի տրավմատիկ վնասվածքի-պոլիտրավմայի վերականգնողական նյարդահոգեբանական հետդոկտորական կրթաթոշակը: Դոկտոր Նովակովիչ-Ակոպյանը նաև դոցենտ է Կալիֆորնիայի Սան Ֆրանցիսկոյի համալսարանի հոգեբուժության ամբիոնում (UCSF): Նրա կլինիկական հետաքրքրությունները և փորձը ներառում են ուղեղի վնասվածքից ապաքինվող անհատների գնահատումը և ճանաչողական վերականգնումը-վերաինտեգրումը: Նա հանդիսացել է Կալիֆորնիայի Խաղաղօվկիանոսյան տարածաշրջանային վերականգնողական կենտրոնի ուղեղի վնասվածքների հետազոտական կոմիտեի նախագահ և Հյուսիսային Կալիֆորնիայի նյարդահոգեբանական ֆորումի նախկին նախագահ:
Սինթիա Թուսան, բիզնեսի կառավարման մագիստրոս
Սինթիա Թուսանը «Strategic Global Advisors» (SGA) ՍՊԸ-ի հիմնադիրն ու գործադիր տնօրենն է, Կալիֆորնիայի Նյուպորտ Բիչում կանանց և աշխատող անձանց սեփականություն հանդիսացող ներդրումների գծով խորհրդատու։ SGA-ն, որը հիմնադրվել է 2005 թվականին, կառավարում է մոտ 5 միլիարդ ԱՄՆ դոլարի միջազգային, համաշխարհային և ներքին բաժնետոմսերի ռազմավարություններ, հիմնականում ինստիտուցիոնալ ներդրողների համար և տարիների ընթացքում (2012թ․, 2016թ․, 2018թ․) ակտիվների գերազանց կառավարման և կատարողականության համար արժանացել է բազմաթիվ մրցանակների։ Տիկին Թուսանի ներդրումային կարիերան հաշվվում է ավելի քան 30 տարի, ներառյալ՝ 16 տարի «Wells Fargo»-ում, որտեղ նա 1989թ․ սկսել է որպես ավագ պորտֆոլիո-մենեջեր: Նա ունի CFA վկայական և Լոս Անջելեսի ու Օրինջի շրջանի CFA միությունների անդամ է: Տիկին Թուսանն ավարտել է Բրին-Մարի քոլեջը և Լոս Անջելեսի Կալիֆորնայի համալսարանի (UCLA) Անդերսոնի դպրոցը: Ներկայումս նա «Cal Poly San Luis Obispo»-ի կարիերային ծառայությունների խորհրդատվական խորհրդում, որտեղ կառավարում է 30 միլիոն դոլար արժողությամբ նրանց կապիտալը՝ ուղղված իրենց կարիերայի ծառայությունների, բազմազանության և միջկրոնական կենտրոնի ստեղծմանը:
Դոկտոր Աննա Արաբյան
Հարավային Կալիֆորնիայի համալսարանի (USC) գերոնտոլոգիայի (ծերաբուժության) դպրոցի դոցենտ, բժիշկ Աննա Արաբյանը ծնվել և մեծացել է Լոս Անջելեսում: Նա հաճախել է Հարավային Կալիֆորնիայի համալսարանի քոլեջ, որտեղ էլ ուսանել է գերոնտոլոգիա: Այնուհետև USC-ում ստացել է դեղագործության դոկտորի աստիճան: Բժիշկ Արաբյանը առանձնահատուկ հետաքրքրություն ունի կանանց հորմոնալ առողջության և պալիատիվ խնամքի ոլորտներում: Նա այժմ ՀԿՀ-ի Լեոնարդ Դևիսի անվ․ գերոնտոլոգիայի դպրոցի պրոֆեսորադասախոսական կազմի անդամ է և դասավանդում է առողջության, ծերացման և ցավի կառավարման վերաբերյալ կուրսեր:
Միքայէլ Մանուկ Կապրիելյան
Զինվորական ծառայությունից հետո Կապրիելյանը մի քանի գիտական աստիճաններ է ստացել հասարակագիտության և կանանց վերաբերյալ հետազոտությունների ոլորտում։ Աշխատելով շահույթ չհետապնդող, կորպորատիվ և պետական հատվածներում՝ Մանուկը բազմաթիվ մարդասիրական ուղևորություններ է կատարել Հայաստան՝ մասնակցելով աղետների և հետևանքների, այդ թվում՝ առաջին բուժօգնության, վերաբերյալ դասընթացներին, և հինգ տարվա զգալի մասն այստեղ ապրելիս՝ դասավանդել է Երևանի Կանանց ռեսուրսային կենտրոնում։ Հայաստանի առաջին տիկնոջ հրավերով հանդես է եկել ակադեմիական զեկույցով կանանց նվիրված առաջին միջազգային կոնֆերանսում, այնուհետև «USAID»-ի և «Save the Children»-ի կողմից հրավիրվել է ղեկավարելու Սև ծովում Աբխազական պատերազմում բռնության ենթարկված կանանց վերականգնումը։ Հատկանշական բազմաթիվ պարգևների թվում Կապրիելյանը արժանացել է մարդասիրական ծառայության համար ՀՀ նախագահի մրցանակի և ընդգրկվել է Վրաստանի ազգային ակադեմիայի հոգեբանության դեպարտամենտում։
Սոնա Յովսէփեան, լիցենզավորված կլինիկական սոցաշխատող
Սոնա Հովսեփյանը Մեծ Լոս Անջելեսի վետերանների հարցերով առողջապահական համակարգի վետերանների շտապ օգնության կառավարման գնահատման կենտրոնում կլինիկական ծրագրի ավագ տնօրենն է: Ներկայումս նրա հետազոտական ջանքերը կենտրոնացած են արտակարգ իրավիճակներից և աղետներից առաջ, ընթացքում և հետո վետերանների և բնակչության առողջության և սոցիալական բարեկեցության խթանմանը՝ հետազոտության և գնահատման միջոցով: Նա աշխատում է Մեծ Լոս Անջելեսի համայնքային ներգրավման և վերաինտեգրման ծառայությունների (CERS) դեպարտամենտի անվտանգության հանձնաժողովում: Որպես Գլենդելի ալկոհոլի և թմրանյութերի դեմ պայքարի ադվենտիստական ծառայության ընտանեկան թերապևտ տիկին Հովսեփյանի դերը ներառում է այն անհատների և ընտանիքների հետ աշխատանքը, ովքեր առերեսվել են կախվածության խնդիրներին ստացիոնար, ցերեկային և ինտենսիվ ամբուլատոր ծրագրում: Նա ղեկավար պաշտոններ է զբաղեցրել մի շարք շահույթ չհետապնդող համայնքային կազմակերպություններում: Տիկին Հովսեփյանը Լոս Անջելեսի Կալիֆորնիայի համալսարանում ստացել է սոցաշխատողի բակալավրի և մագիստրոսի աստիճան։
Հարոլդ Թակուշյան, խորհրդատու
Հոգեբանական գիտությունների դոկտոր Հարոլդ Թակուշյանը Ֆորդհեմի համալսարանի ֆակուլտետում է 1975 թվականից, որտեղ նա հոգեբանության, ուրբանիստիկայի և կազմակերպչական առաջնորդության պրոֆեսոր է: Նա պաշտպանել է գիտությունների դոկտորի կոչումը 1979 թվականին Նյու Յորքի քաղաքային համալսարանում՝ Սթենլի Միլգրամի ղեկավարությամբ: Հարոլդ Թակուշյանը հետազոտող է, ուսուցիչ, խորհրդատու, ում աշխատանքը ներկայացված է «Մարկիս․ ով ով է աշխարհում» (Marquis’ Who’s Who in the World) գրքում: Նա դասավանդել է 6 երկրների 12 համալսարաններում։ Որպես Ամերիկյան հոգեբանական ասոցիացիայի միջազգային հոգեբանության բաժնի համահիմնադիր և նախկին ղեկավար աշխատել է Միավորված ազգերի կազմակերպությունում և նախագահել է բնակավայրերի հարցերով հանձնաժողովը (2008-2010թթ․): Երկրորդ սերնդի նյույորքցի Հարոլդը Մանհեթենի հոգեբանական ասոցիացիայի վարչության անդամ և նախկին նախագահն է:
Դոկտոր Դանա Ուոլրաթ, մարդաբանական գիտությունների դոկտոր,
գեղանկարչության մագիստրոս, խորհրդատու
Գրող, նկարիչ և մարդաբան Դանա Ուոլրաթը սիրում է իր աշխատանքում հատել սահմաններն ու կարգապահական կանոնները: Տարիներ շարունակ Վերմոնտի համալսարանի բժշկական քոլեջի ուսանողներին սովորեցնելու համար պատմություններ օգտագործելուց հետո, նա սկսեց գրել իր սեփականը: Որպես Ֆուլբրայթի կրթաթոշակառու Հայաստանում անցկացրած մեկ տարվա ընթացքում նա ավարտել էր իր մրցանակակիր «Ինչպես ջուրը քարի վրա» նովելը: Նրա «Aliceheimer’s» գրաֆիկական հուշերի շարքը նրան թույլ է տվել ամբողջ Հյուսիսային Ամերիկայով և Եվրասիայով՝ ներառյալ TEDx Battenkill-ում և TEDx Yerevan-ում ելույթները, խոսելու բուժման մեջ կոմիքսների դերի մասին: Նրա վերջին էսսեները հայտնվել են Slate, Foreign Policy, Irish Times, Somatosphere, The Lancet, Հանրային ռադիոյում և բազմաթիվ խմբագրված հատորներում, այդ թվում՝ New York Times-ի 2020 թվականի լավագույն գրաֆիկական նովելում՝ Menopause: A Comic Treatment:
Նենսի Բարսամյան, առողջապահության մագիստրոս
Նենսի Բարսամյանը բուժքույրական գիտությունների դոկտորի աստիճանի թեկնածու է (կպաշտպանի 2023թ. մայիսին): Նա ունի ավելի քան 10 տարվա փորձ սուր խնամքի բուժքույրական ոլորտում և ավելի քան 20 տարվա փորձ բուժքույրական և հանրային առողջապահական կրթության ոլորտում: Նենսին 1993 թվականից աշխատել է Հանրային առողջության հսկողության համակարգում հիվանդությունների վերահսկման կենտրոնների և Հայաստանի Առողջապահության ազգային ինստիտուտների հետ, ինչպես նաև Բոստոնի համալսարանի բժշկական գործընկերության ծրագրում, որը երկրաշարժերից հետո աշխատող բժիշկներ և բուժքույրեր է պատրաստում: Նա դասախոսել է Բոստոնի համալսարանի բիզնեսի դպրոցում, Բոստոնի քոլեջի բուժքույրական դպրոցում և ներկայումս Մասաչուսեթսի համալսարանի բուժքույրական բարձրագույն դպրոցի դոցենտ դասախոս է:
Դոկտոր Արմեն Մուղամյան
Դոկտոր Մուղամյանը միացել է Սան Ֆրանցիսկոյի Կալիֆորնիայի Խաղաղօվկիանոսյան բժշկական կենտրոնի Ռեյ Դոլբի ուղեղի առողջության կենտրոնին 2020 թվականի հունվարին և ներկայումս հանդիսանում է որպես նրա բժշկական տնօրեն: Այս պաշտոնում դոկտ. Մուղամյանը ղեկավարում է բժիշկների, նյարդահոգեբանների և սոցիալական աշխատողների միջգիտակարգային թիմը՝ գնահատելու և բուժելու ճանաչողական խանգարումներով և նեյրոդեգեներատիվ հիվանդություններ ունեցող հիվանդներին, ինչպիսին է Ալցհեյմերի հիվանդությունը: Dolby Center-ի թիմը ստեղծել է դիադային խնամքի նոր մոդել, որն ինտեգրում է սոցիալական աշխատողին հիվանդի բուժման մեջ՝ տրամադրելով աջակցություն հիվանդի ընտանիքներին և գործընկերներին:
Դոկտոր Հերագ Համբոյան
Դոկտոր Հերագ Համբոյանը Կանադայի Տորոնտոյի մեծ շրջանի 20 տարեցների տների բժշկական տնօրենն է: Վերջին 15 տարիների ընթացքում նրա հիմնական ուշադրությունը եղել է տարեց բարդ հիվանդների խնամքը, որոնցից շատերը տառապում են դեմենցիայով: Նա նաև ներգրավված է պալիատիվ խնամք ստացածներին կյանքի վերջում խնամք տրամադրելու հարցերում: Դոկտոր Համբոյանը կանադահայ է, ով, բացի անգլերենից և ֆրանսերենից, խոսում է հայերեն (արևմտահայերեն): 2019 թվականին նա կատարեց երազանքը՝ բարձրանալով Արարատ լեռը։
Կարմեն Արոմ
Կարմենը գործընկեր-բրոքեր է Dilbeck Real Estate-ում, որը մասնագիտացած է Մեծ Լոս Անջելեսի տարածքներում բնակելի, առևտրային և ներդրումային անշարժ գույքի վաճառքի և ձեռքբերման մեջ: Ներկայումս Կարմեն Արոմը Գլենդելի գործակալների ասոցիացիայի (GAOR) նախագահն է, որն ունի ավելի, քան 1800 անդամ: Կարմենը նաև Կալիֆորնիայի գործակալների ասոցիացիայի տնօրեն է (CAR) և գործակալների ազգային ասոցիացիայի (NAR) անդամ: Նա գիտության բակալավրի կոչում է ստացել Սան Ֆրանցիսկոյի պետական համալսարանի Էլեկտրաճարտարագիտության ոլորտում և MBA-ի կոչում Pepperdine համալսարանից: Միշտ եղել է La Canada Unified School District-ի PTA-ի ակտիվ անդամ և La Canada կրթական հիմնադրամի աջակից:
